ఫ్రియతమా

ఆనందం అర్ణవ మైతే మనసే కెరటమవుతుంది

ఊహలే వినీలాకాసమైతె అలొచనలే అనంతమవుతాయి

మనసే తుషార బిందువైతె చిగురుటాకులు ఊసులవుతాయి

ప్రేమే ప్రవాహమైతే ఎడబాటు సుడిగుండమవదా !!!

2009

అందరకీ నూతన సంవత్స్రర శుభాకాంక్షలు ౨౦౦౯

జీవి -3

స్టాండ్ లొంచి స్కూటర్ తీస్తుండంగా ఎదురుగా హడావిడిపడుతూ వాచ్మెన్ రాములు సీట్ తుడిచి పక్కన వినయంగా నించున్నాడు . ఇదిగొ ఈ 10 వుంచు అంటు ఇచ్చాడు జీవి. అయ్యో ఎందుకు బాబు అంటుండగానే బుజం తడుతూ స్కూటర్ స్తార్ట్ చేసాడు.నిజానికి తన స్కూటర్ మీద ఈగ వాలనివ్వడు ఎప్పుడు నీట్ గా తుడిచి పెడతాడు.తను అంటే చాలా అభిమానంగా వుంటాడు.చిత్రంగా రాములు కుడా అదే అనుకుంటున్నాడు అయ్యగారికి నేను అంటె చాలా ప్రేమ అని.దార్లొ షిర్డిసాయు గుడి కనిపిస్తే అమ్మ చెప్పింది కదా అని ఆగాడు.లక్ష్మివారం కదా బాగ రష్ వుంది.చెప్పుల స్తాండ్ దగ్గర చాల జనం వున్నారు అబ్బా అనుకొంటూ ముష్టివాల్ల దగ్గర చెప్పులు పెట్టి గుల్లొకి వెల్లాడు.భగవంతుడు అంటే అందరకి ఎంతో ఇష్టం.అడక్కుండానె ఎన్నొ కానుకలు హుండీల్లొ వేస్తున్నారు.జీవి కూడా వేసాడు.బాబాకి నమస్కరించి ఒక మూల కూర్చుని బాబా వైపు చూసాడు ఎంత ప్రశాంతంగా వున్నాడు,ఇంతమంది జనాల ఈతిబాధలు చూస్తూ.ప్రసాదం తీసుకొని బయటకు వచ్చి తన చెప్పులు పెట్టిన ముష్టివాడికొసం చుసాడు.తనని చూడగానే కంగారుగా చెప్పులు దులిపి తుడిచి ఎదురుగా పెట్టాడు. చెప్పులు తొడుక్కొంటూ రెండు రూపాయలు ఇచ్చాడు.వాడి కల్లు మెరిసాయి దర్మప్రబువులు అంటుండగానే జీవి ముందుకు సాగాడు.స్కూటర్ లాక్ చేసి తన పొర్షొన్ లొకి వెడుతుండగా ఎవరివో పెద్దగా తిట్లు వినిపించి అటువైపు వెల్లాడు.ఇంటి ఓనర్ కాంతమ్మ గారు పక్క పొర్షొన్ గుర్నాదం గారిని ఒకటే తిడుతుంది నీల్లు ఎక్కువ వాడేస్తున్నారు అని,ఇంకా రాత్రిల్లు ఎక్కువ సేపు లైట్లు వెలుగు తున్నాయని అయన్ని అసలు మాట్లడనివ్వటం లేదు,ఇలా ఐతే కాళీ చేసెయ్యండి అని కుడా అనేసింది. పాపం అయన బిక్కమొహం వేసాడు. ఇదుగొండి మీరు కట్టమన్నకరెంట్ బిల్లు,వాటెర్ బిల్లు తాలుకు రసీదులు అనేసరికి కాంతమ్మ గారు అ గొడవ ఆపేసి ఇటు జీవి పొర్షన్ వైపు వచ్చింది.రక్షించావు అన్నట్టుగా చుసాడు గుర్నాదం గారు.కాంతమ్మ గారి నొట్లొ నొరు పెట్టడం అంటే మంత్రి మారెప్ప నొట్లొ పెట్టడమె.అలా వుండబట్టె ఈ 8 పొర్షన్ ల ఇల్లు అలా మేనేజ్ చెయ్య గలుగుతుంది.జీవి ఇలా బిల్లులు అవి కట్టీ సాయపడుతుంటాడు.జీవి అంటే అవిడకి చాలా ప్రేమ, ఎంత లేటెగా వచ్చినా,లైట్లు ఎక్కువసేపు వేసిన ఏమి అనదు.పాపం గుర్నాదం గారు కూడా చాల మంచాయన . అ మధ్య తన బందువు ఒకయనకి ఫి.ఎఫ్ ఆపీసు లొ ఎదొ పని అవ్వటం లేదు అంటె గుర్నాదం గారు అక్కడే పనిచేస్తారు కదా అని అయన ద్వార ఎంక్వరీ చేస్తె పార్మలిటీస్ కింద ఒక 10 వేలు వరకు కర్చు అవ్వుద్ది అని తెలిసింది.అయన అంత ఇచ్చుకోలేడు సార్ అంటె,అయన తనకి బాగా కావలసిన వాల్లు అని చెప్పి ఒక 4వేలుకే మేనేజ్ చెసి ఆ పని చేసి పెట్టారు.కాంతమ్మ గారికి సర్ధి చెప్పి తన ఇంట్లొకి వెల్లగానె జెబులొ సెల్ అరవడం మొదలెట్టింది......

తను...

తొలకరి లొ కురిసిన వాన

ఆ మట్టిలోంచి వచ్చే వాసన

లయబద్దంగా వూగే పచ్చని పైరు

ఎవరి ఉహాలు తెలియచేస్తున్నయి

వయ్యారంగా సాగుతూవున్న పిల్లకాలువ

ఈదుతు కేరింతలు కొడుతున్న ఆ చేప పిల్ల

స్వచ్చంగా అందంగా నవ్వుతున్న తామర పువ్వు

ఎందుకు తనని అంతగా గుర్తు చెయ్యాలనుకొంటున్నయి

లేత మావి చిగురు తింటూ కూస్తున్న ఆ కొయల

జేగంట చిరు సవ్వడితొ చెంగున దూకుతున్న లేగదూడ

పెరటిలొని ఎర్రమందారంతొ దోబూచులాడుతున్న తుమ్మెద

ఎలా కలుపగలవు తనతొ కడకంటూ సాగలేనీ నా అనుబంధాన్ని

బాల భానుడు విసిరే ఆ లేత కిరణాలు వాడిగా గుచ్చుకుంటుటే

తొలికోడి కూస్తున్న ఆ పిలుపుతో అర్ధాంతంగా ఆపుతూ తన తలపులు

హేమంత రుతువు లొ రాలిన ఆకులాగ నా బుగ్గ మీదకి జారుతున్న నీటి చుక్క

ఎప్పటకీ ఇదే నిజం అని ఎందుకు నా మనసుకు నచ్చ చెప్పలేకపొతున్నాయి

ఒంటరి

ఏమి లేని ఎడారి లో

అన్ని వున్నఅనాధని

అందరూ వున్న జనారణ్యం లో

ఎవ్వరకీ ఏమీ కాని ఏకాకిని

నిండు సూర్యుడు పండు వెన్నెల కనిపిస్తున్నా
మదిని ముసురుకొన్న చీకట్లను పారదోలలేకున్నా

ఆగని కన్నీళ్ళని అలలా లేచిన జ్ఞాపకాలని
అదిమి పెట్టలేక అశక్తుడవుతున్నా

చెరిగిన స్వప్నాల్ని తరిగిన కాలాన్ని

మౌనంగా చూస్తూ వాస్తవం లోకి వస్తున్నా

జీవి -2

ప్రేమ

ఒక్కసారి నిన్న జరిగిన ఆఫీసు లో జరిగిన సంబాషణ గుర్తుకు తెచ్చుకో అంది ఆత్మని,

నిన్న లంచ్ అవర్లో కొలీగ్స్ ప్రేమ అనే విషయం మీద డిస్కషన్ లేవదీసారు. అసలు ప్రేమ అంటే ఏంటి?ఎన్ని రకాలు, అదేదో త్రీ రొసేస్ టీ యాడ్ లాగా రంగు,రుచి,చిక్కదనం మొదలైనవి ఏమైనా వుంటాయా అని కామెడీగా కొందరు,వీటిల్లో వర్గాలు,ప్రత్యేక,సమైక్య లాంటివి ఏమయినా విడగోట్టచ్చ అంటూ కొందరు ఎవరి వాదన వారు వినిపిస్తున్నారు. తల్లి పిల్లల మీద చూపించేదే నిజమైన ప్రేమ అన్నాడో కుర్ర వుద్యోగి.అది ప్రేమ కాదు,అది అతి సహజం,పకృతి దర్మం అంటూ తేలిగ్గా తీసిపారేస్తూ ,నిజమైన ప్రేమ స్నేహం లోనే వుంది అంటూ తనకి ఆఫీసు లొన్, సాంకషన్కానప్పుడు ఒక లక్ష రూపాయలు,రూపాయి వడ్డికి ఇచ్చిన ఫ్రెండ్ ని గుర్తు చేసుకొంటూ చెప్పాడు ఎకౌంటు ఆఫీసర్ నాగబుషణం.కానే కాదు జంతువుల మీద చూపించేదే నిజమైన ప్రేమ అంటూ తన అభిమాన హీరో బార్య స్థాపించిన జంతు సంరక్షణ సంస్టని గుర్తు చేసుకొంటూ చెప్పాడు శివ అనే మార్కెటింగ్ ఎగ్జిక్యూటివ్. లేదు లేదు ఆక్సిడెంట్ లో గాయపడిన వారికీ రక్త దానం చేయటం లోనే వుంది నిజమైన ప్రేమ అంటూ తన హీరో స్థాపించిన బ్లడ్ బ్యాంకు ను గుర్తు చేసుకొంటూ రిటార్ట్ ఇచ్చాడు స్టోర్ ఇంచార్జ్ టాగూర్. ఇలా సంధర్బం కాకపోయునా అసందర్బంగా,అడ్డుగోలగా,తమ అబిప్రాయాల్ని వేరే వాటిని ఆడ్ చేసి ,లింకులు పెట్టి ప్రేమ గురించి మాట్లాడసాగారు. వీటన్నిటిని తోసిరాజని "మానవ సంబందాలు అన్ని ఆర్ధిక సంబందాలే " కాబట్టి నిజమైన ప్రేమకు నిర్వచనం ఇవ్వటం కష్టం ,ఎందుకంటే మనం చూపించే ప్రేమ, ప్రదేశం,సమయం,సంధర్బం,అవసరం,బాధ్యత,మన మానసిక స్థితి,ఇలా కొన్నిఅంశాల్ని బట్టి మారుతూ వుంటుంది కాబట్టి ఒక నిర్వచనం అంటూ వుండదు అంది పి.ఆర్.ఓ సహజ.
ఆకలితో లంచ్ బాక్స్ మీద దాడి చేస్తున్న జీవికి ఈ మాటలు వినపడగానే చురుక్కున తల ఎత్తి సహజ వేపు చూస్తూ, అంటే ఈ స్టేట్మెంట్ నీదా అని అడిగాడు.నాది కాదు, ఇది ఎప్పుడో అరిస్టాటిల్ చెప్పాడు.దానినే నేను కొంచెం విడమర్చి చెప్పాను .అంతే కాదు దీనిని నేను బలంగా నమ్ముతున్న అంది. సహజ నువ్వు చెప్పింది చాలా అసహజం గా వుంది, ఎందుకంటే ప్రేమే అనేదే లేకపోతె ఈ ప్రపంచం ఇలా వుండదు అన్నాడు కొంచెం వ్యంగ్యంగా. కరక్టే, ఐతే ప్రేమ అనేది లేదు అని నేను చెప్పటం లేదు అది ఆర్ధికంగా మానవ జీవితం తో ముడిపడింది అని చెబుతున్నా అంతే. అది నువ్వు నిరుపించగలవా అంటూ కొంచెం చులకనగా కామెంట్ చేసాడు పెద్ద బొజ్జ వున్న హెడ్ గుమాస్తా గుర్నాధం. అవును అవును నిరూపించ గలవా అంటూ మిగతావారు వంతపాడారు.సరే ఐతే మీరు ఆఫీసు వదిలిన తర్వాత ఇంటికి వెళ్తారు కదా ఈ లోపు మీకు ఎదురైన సంఘటనలు బేరిజు వేసుకోండి,మీకు మీరే జడ్జీలు.అప్పుడు మీరే ఒప్పుకొంటారు అంది నవ్వుతు సహజ. చాలు చాల్లేవమ్మా అంత టైం ఎవరికుంది ఇక్కడ,ఐనా ఈ రోడ్ల మీద క్షేమంగా ఇల్లు చేరినప్పుడు కదా అంటూ జోక్స్ వేసుకొంటూ ఎవరి సీట్స్ లోకి వారు వెళ్లారు. వెళ్ళిన పది నిముషాలకే ఈ టాపిక్ అందరు మర్చిపోయారు ఒక్క జీవి తప్ప.
ఐతే ఇందులో నేను చేసిన తప్పు ఏంటి అంది అర్ధం కాక ఆత్మ . మిగతాది కూడా గుర్తు తెచ్చుకో బాబు అంది అంతరాత్మ .

ఆ రోజు సాయంత్రం ఆఫీసు ను వదిలి ఇంటికి బయలుదేరిన తర్వాత జీవి......

జీవి -1

జీవి నడుచుకొంటూ కొండమీద వున్నా చెట్టు దగ్గరకి వెళ్ళసాగాడు ,అప్పటకే ఆ చెట్టు కింద ఇద్దరు వ్యక్తులు మాట్లాడుకుంటూ కనిపించారు.మామూలుగా ఆ సమయం లో ఎవరు వుండరు అనే వుద్దేశ్యం తో జీవి రోజు వెడుతూ వుంటాడు.వాళ్ళ దగ్గరకి సమీపిస్తూండగా వాలిద్దరు కవలలు గా కనిపించారు .కానీ ఆ మొహాలు మాత్రం బాగా తెలిసిన వాళ్ళ లాగా,రోజు చూసే మొహల్లాగే వున్నాయి. జీవి ఒక్కసారి ఆశ్చర్యపోయాడు,అరె అచ్చం నాలానే వున్నారే అనుకుంటూ ఎందుకో కొంచెం బయపడ్డాడు. కొంపదీసి దయ్య... అనుకొనే లోపే వాల్లే పరిచయాలు చేసుకొన్నారు. హలో నా పేరు ఆత్మఅని ఒకరు,అంతరాత్మ అని ఇంకొకరు చెప్పారు.తను చూసిన సినిమాలు ఒక్కసారి గుర్తుకు తెచ్చుకొన్నాడు జీవి.ఒక రూపం బయట మాట్లాడితే ఇంకొక రూపం అద్దం లో మాట్లాడుతుంది.కాని ఇక్కడ తనతో పాటు రెండు రూపాలు వున్నాయి. ఆత్మ వేరూ, అంతరాత్మ వేరా అనుకోనేలోపే వాళ్ళు "అవును"అన్నారు. అదెలా అని అడక్కుండానే వాల్లే వివరణ ఇవ్వటం మొదలుపెట్టారు. నేను నీ ప్రతిరూపాన్ని అంది ఆత్మ.నేను నీ మనస్సుని అంది అంతరాత్మ.నువ్వు అంతరాత్మ తో మాట్లాడేది ఇప్పుడు నీ ఎదురుగా నీ ఆత్మ,అంతరాత్మ వాదిన్చుకుంటై చూడు అన్నారు ఇద్దరు. బయపడుతూ ఒకసారి వాళ్ళ కాళ్ళవంక చూసాను,బానే వున్నాయి. బయపడకు నువ్వు నీ మనస్సుతో ఎలా మాట్లాడతావో నువ్వే వాస్తవంగా చూస్తున్నావు అంటూ అనునయించారు. జీవి కి కొంచెం ఆసక్తి కలిగింది నేను ఎలా వాదిస్తానో ప్రత్క్ష్యంగా నేనే చూసుకోవడం. సరే మొదలు పెట్టండి అన్నా

నువ్వు అసలు నన్ను పట్టించుకోవడం లేదు,నా మాటకు విలువ ఇవ్వటం లేదు,నీకు అసలు మానవత్వం లేదు అంది అంతరాత్మ కోపంగా,ఎ విషయం లో అంది మండిపడుతూ ఆత్మా. చాల విషయాల్లో బదులిచ్చింది అంతరాత్మ.వివరంగా చెప్పు అంది ఆత్మ. ఐతే విను

(ఇంకా వుంది)